Нашақорлық қоғам дерті

qarmaqshy-tany.kz Қармақшы аудандық прокуратурасының бастамасымен А.Жанпейісов атындағы №105 мектеп-лицейінде есірткіге қарсы іс-қимыл жұмыстары аясында «Есірткісіз аймақ» жобасын жүзеге асыруда 8-11 сынып оқушыларымен кездесу өткізілді.

Кездесудің мақсаты-жасөспірімдер арасындағы нашақорлықтың, психикаға белсенді кері әсер ететін заттарды тұтынудың алдын алу, оның зияндылығы туралы ақпараттармен бөлісу, салауатты өмір салтын насихаттау болып табылады.

Кездесу барысында Қармақшы ауданы прокуратурасының аға прокуроры С.А.Абдулғазиз жасөспірімдер арасындағы құқық бұзушылық, нашақорлық және оның зияндылығы туралы түсіндірді.

Сонымен бірге Қармақшы аудандық білім бөлімінің әдіскері А.Тоқшылықова, №105 мектеп-лицейінің тәрбие ісі жөніндегі орынбасары А.Қозыбақов жастар арасында есірткінің алдын алу бағыты бойынша пікірлерімен бөлісті.

Кездесуде жасөспірімдерге нашақорлық пен есірткі қолданудың зардабы туралы бейнероликтер көрсетіліп, жадынамалар таратылды.