qarmaqshy-tany.kz Қармақшы аудандық прокуратурасының бастамасымен Жосалы кенті орталығындағы А.Жанпейісов атындағы №105 мектеп-лицейінде есірткіге қарсы іс-қимыл жұмыстары аясында жоғары сынып оқушыларымен кездесу өткізілді.

Шараның мақсаты-жасөспірімдер арасындағы нашақорлықтың, психикаға белсенді кері әсер ететін заттарды тұтынудың алдын алу, оның зияндылығы туралы ақпараттармен бөлісу, салауатты өмір салтын насихаттау болып табылады.

Шара барысында аудан прокурорының орынбасары А.Мұратов жасөспірімдер арасындағы құқық бұзушылық, суицид, ерте жүктіліктің алдын алу, нашақорлық және оның зияндылығы туралы түсіндірді.

Бұдан бөлек жасөспірімдерге нашақорлық пен есірткі қолданудың зардабы туралы бейнероликтер көрсетіліп, жадынамалар таратылды.