qarmaqshy-tany.kz Қармақшы аудандық Полиция бөлімінің бастамасымен, Жосалы кентінің мәжіліс залында бөлім бастығының бірінші орынбасары полиция подполковнигі А.Амирбековтің төрағалығымен, Жосалы кентінің әкімінің орынбасары А.Досмуратовтың, Жосалы кентінің ардагерлер кеңесі мүшелері, көше комитеттерімен Қармақшы ауданы Полиция бөлімінің жергілікті полиция қызметі бөлімшесінің учаскелік полиция инспекторларымен қылмысты болдырмау, құқық бұзушылықтың алдын алу мақсатында кездесу өткізілді.

Кездесу барысында 4 мәселе, оның ішінде Жергілікті полиция қызметі бөлімшесінің ағымдағы жылдың 6 айында атқарған жұмыстары, отбасы тұрмыстық саласындағы құқық бұзушылықтарға байланысты 1 шілдеден бастар енгізілген өзгерістермен, кәмелетке толмағандармен маргинал жастар арасындағы топтық төбелестің алдын алу, сонымен қатар үй жануарларымен орын алатын жол-көлік оқиғасының алдын алу бағытындағы жұмыстар қаралды.

Сондай-ақ, Қармақшы ауданы ардагерлер кеңесінің төрағасы А.Мереков, аудандық қоғамдық кеңесінің төрағасы Ә.Құлдүйсенов, Жосалы кентінің ардагерлер кеңесінің төрағасы Е.Ұзақбаев сөз сөйлеп, аудан көлемінде құқық бұзушылықтың алдын-алу, болдырмау, сондай-ақ, бей-берекет иесіз жүрген малдардың қатысуымен болатын жол-көлік оқиғасының алдын алу бойынша, Жосалы кентінде орналасқан бейнебақылаулардың тиімділігі талқыланып, алдағы уақытта бірлесіп атқаратын жұмыстар бойынша басым бағыттар белгіленді.