Көптеген тағамның ішінде тек ұнды байытуға, яғни фортификациялауға көңіл бөліну себебі, ол арзан, әрі тиімді. Соны­мен қатар, нанды әр адам тұтынады. Ұнды өмірлік маңызы бар витаминдермен және минералдармен байыту, яғни форти­фикациялау ана өлімін, нәрестелердің туа біткен кемтарлығы деңгейін елеулі түрде азайтады, балалардың ақыл-ой қабілетінің дамуына ықпал етеді. Балалар мен әйелдер арасындағы қан аздығының алдын алады.

Қазіргі таңда азық-түліктердің көптеген түрі технологиялық өңдеу кезінде өзінің құнарлылығын азайтады. Бұлардың қайта қалпына келтірудің бірден-бір жолы – ұн­ды дәрумендермен және микроэле­мент­термен байыту.

Қазақстан Республикасы «Халық ден­саулығы және денсаулық сақтау жүйесі туралы» Кодексінің 111 бабының, 2-тар­мағына 3 тармақшасына  сәйкес, темір жетіспеушіліктің алдын алу мақсатында ел аумағына саты­латын жоғарғы және бірінші сортты бидай ұнын құрамында темірі бар дәрумендермен, минералдар және басқа да заттармен байыту (фортификациялау) міндетті деп көрсетілген. Құрамында темірі бар дәру­мендер мен минералдарды сатып алғаннан гөрі, фортификацияланған ұнды қолданған әлдеқайда тиімді.

Қармақшы аудандық «Ұлттық сараптама орталығы» ШЖҚ РМК зертханасы ма­ман­дарының қатысуымен халық көп жина­латын орындарда базарларда, сауда орта­лықтарында «Фортификацияланған ұнның маңыздылығы», «Фортификация­ланған ұнды таңдаңыз» атты акциясы өткізілуде.

Акция шеңберінде экспресс әдіспен ұн сынамаларының құрамындағы темірді анықтауға зертханалық тексерулер жүр­гізіледі. Акцияның басты мақсаты – темір тапшылығы анемия ауруының алдын алу, тұрғындар арасында қауіпсіз, дұрыс тамақтануға және байытылған нан, ұнды тұтынуларына ақыл-кеңестер беру. Біз үшін адамдардың денсаулығы маңызды.