Әйелдерге қатысты зорлық-зомбылық дүниежүзінің барлық жерінде таралған және барлық қоғамда кездесетін жағдай. Тұрмыстағы зорлық-зомбылық мәселесін дамыған мемелекеттердің өзі жеңе алған жоқ.

Әйел – отбасының ұйытқысы. Ол қай кезеңде болмасын бейбітшілік пен тыныштықтың шырақшысы саналады. Бірақ, бүгінгі заманда бір қолымен әлемді тербетсе, екінші қолымен бесікті тербеткен әйелдердің тұрмыстық зорлық-зомбылық құрбанына айналып, қысым көретіндігі, соққыға жығылып, өз құқықтарын білмеуі қоғамдағы маңызды проблеманың біріне айналып келеді. Сонымен қатар, отбасындағы зорлық-зомбылық әрекеттерінен зардап шегетін адамдар басқа адамдардан көмек алуға қиындық туғызады. Отбасындағы зорлық-зомбылық - қайда баруға болады деген сұрақ туындайтыны мәлім. Бірақ кейбір жағдайларда көмекті ер азаматтарымызда сұрайтыны мәлім.

Мәселен, ағымдағы жылдың маусым айында кент тұрғыны ұялы телефон арқылы көмек сұраған. Азаматтын айтуы бойынша заңды некедегі әйелі арасында түсініспеушілік болып, әйелі жан-жал шығаратынын, сөзге келіспеушіліктер орын алып, содан араларында ұрыс-керіс болатының айтты. Сол себептен екеуіне де психологиялық көмек көрсетуін өтінген болатын.

Бөлімнің ЖПҚб-нің әйелдерді зорлық-зомбылықтан қорғау тобының инспекторы полиция капитаны А.Касимова ерлі-зайыптыларға психологиялық тұрғыдан консультативтік көмек көрсетіп, сондай-ақ «Тұрмыстық зорлық-зомбылық профилактикасы туралы» Заңының талаптары бойынша құқықтық түсіндіру жұмыстары жүргізілді.