qarmaqshy-tany.kz Қармақшыда аудан орталығында беймезгіл уақытта жасөспірімдердің көше кезуін тыю, құқықбұзушылықтың алдын алу мақсатында түнгі бақылау жұмыстары жүргізілуде.

Аталмыш шараға аудан әкімінің орынбасары Б.Далабаев және аудандық білім бөлімінің басшысы Г.Абдазиева, АІІБ, аудандық жастар орталығы, ата-аналар, сондай-ақ, кент орталығындағы мектеп басшылары және ерікті білім қызметкерлері қатысып, рейдтік шараларға атсалысты.

Рейд барысында ойын-сауық орындары, парктер, спорт алаңдары, жастар көп жиналатын жерлер қамтылды. Рейдтік шара барысында кәмелетке толмаған жасөспірімдерге түнгі мезгілде қоғамдық орындар мен көшелерде ата-анасыз немесе заңды өкілсіз шектеулі уақытта жүруге тыйым салынғаны жөнінде түсіндірме жұмыстары жүргізілді.