qarmaqshy-tany.kz Бүгін білім бөлімі басшысы Г.Абдазиева аудан көлемінде жастар мен жасөспірімдер арасындағы қылмыстық құқық бұзушылықтарды болдырмау, алдын алу, кәмелетке толмағандардың беймезгіл уақытта заңды өкілдерінсіз жүруінің жолын кесу бағыты бойынша түнгі рейдтік аралау жұмыстарын жүргізді. Рейд барысында Жосалы кенті орталығындағы ойын-сауық орындары мен жастар көп болатын аймақтарды және бірқатар иесіз, тастанды ғимараттарды аралады. Сондай-ақ, рейдтік іс-шараларға аудандық білім бөліміне қарасты білім беру ұйымдары бойынша кезекші мамандар және жергілікті полиция қызметі бөлімшесінің ювенальды полиция тобының қызметкерлері тартылды.

Бірлескен жұмыстар алдағы уақыттада күнделікті жалғасын табатын болады.