Көктемнің осы бір шуақты күнінде аудандық балалар кітапханасының ұйымдастыруымен «Қош келдің, әз Наурыз» атты мерекелік кеш өткізілді. Оған А.Жанпейісов атындағы №105 мектеплицейінің 1 сынып оқушылары, ата-аналар мен сынып жетекшісі Ж.Қалтаева қатысты. Кеште Ұлыстың ұлы күні туралы түсінік берілді. Оқушылардың бірі ән айтса, бірі би билеп, өнерлерін көрсетті. Ұлдарымыздың ептілігін анықтау мақсатында қазақтың ұлттық ойыны қол күрес, арқан тарту мен асық ату ойындары ойнатылды. Балалар екі топқа бөлініп, өз бақтарын сынады. Кеш соңында дәстүрге сай 1 сынып оқушысы Айару Әбдіжамалдың әжесі Күлайым Ялиева жүрекжарды лебізін білдіріп, ақ батасын берді.