Қармақшы аудандық Халық депутаттары Кеңесі атқару комитетінің 1987 жылғы 25 наурыздағы №125 шешімі және аудандық агроөндірістік бірлестігінің 19 наурыз 1987 жылғы бұйрығына сәйкес бірлестіктің жанынан дербес өзін-өзі басқаратын шаруашылық есептегі Жосалы жөндеу-техникалық кәсіпорны құрылды.

1989 жылдың 26 маусымында аудандық агроөнеркәсіп бірлестігі «Агросервис» кооперативі болып, 1991 жылдың 5 маусымында аудандық «Агроөнеркәсіптехника» бірлестігі, 1994 жылдың 7 ақпанында аудандық «Агроөнеркәсіптехника» акционерлік қоғамы, 1999 жылдың 15 шілдесінен бастап «Қармақшыагроөнеркәсіптехника» жауапкершілігі шектеулі серіктестігі болып атаулары өзгерген.

Серіктестік ауылшаруашылық техникаларын жөндеу және техникалық жабдықтармен қамтамасыз ету, ауылшаруашылық өнімдерін өндіру, өңдеу және сату, құрылыс-монтаждау және жөндеу жұмыстары, құрылыс заттарын, өнімдерін шығару, дайындау және оларды өткізу, өндірістік және тұрғындық үйлерді салу, жөндеу, өнеркәсіп және азаматтық мақсаттағы халық тұтынатын тауарларды өндіру, сауда-делдалдық, сыртқы экономикалық, коммерциялық, халыққа қызмет көрсету қызмет түрлерін жүргізген.

Мекемеде Құлманов, Н.Зойков, Ж.Беркимбаев, К.Назарқұлов, М.Қанапиев, Б.Әбжалиев, К.Шамалов, С.Тілеуов, К.Молдабаев, Ә.Досетова, Р.Керейтова, М.Қосаев, Т.Біләлов, М.Баймаханов, А.Жүсіпалиев, Н.Жидебаев, Ж.Тоқтаров, Ә.Омаров, Қ.Баимбетов, С.Сырымбаев, Баетов, А.Пірназаров, С.Сәниев, М.Тоқтаров, Ә.Алмағанбетов, Б.Төрешов, Б.Жұмабаев, О.Сариев, Е.Досмаханов, Б.Дәнекеров, тағы басқа еңбек майталмандары қызмет атқарған. Жосалы материалдық-техникалық жабдықтау мекемесінің 1995-2010 жылдар аралығындағы тұрақты сақталатын құжаттары мен 1952-2010 жылдар аралығындағы жеке құрам жөніндегі құжаттары архив қорында сақталуда.