qarmaqshy-tany.kz 60 жас пен 6 жас аралығында Ақай ауылдық мешітінің шәкірттері мен жамағаттары арасында Алла Тағаланың көркем есімдерін жатқа айтудан сайыс өтті. Сайыс үш бөлімнен тұрды: алғашқы бөлімде қатысушылар Алланың есімдерін өте аз минутта айтып шығу, келесі бөлім Алла Тағаланың есімінің қазақша аудармасын қазылар айтса арапша нұсқасын айту, соңғы бөлімде қағаздарда көрсетілген арапша атауын қазақша(орысша) аудармасын 2минутта сәйкестендіру керек.

16 сайыскердің 3 сағатқа созылған жарыстан 4 жүлдегер анықталды:

1-ші орын Жалғасбаев Шаминь

2-ші орын Жәнібеков Жарасхан

3-ші орындарды Серімбетов Айдос, Бердыбаев Ермек иемденді. Алғашқы орын иемденгендерге мешіт қызметкерлері дайындаған қаржылай сыйлық және барлық қатысушыларға ынталандыру есебінде мадақтама қағазы мен Қағба хош иістері тарту етілді.

Пайғамбарымыз (Алланың оған игілігі мен сәлемі болсын) бір хадисінде: “Алланың тоқсан тоғыз, яғни бірі кем жүз есімі бар. Кімде-кім соларды жаттаса жәннатқа кіреді”,- деген.