qarmaqshy-tany.kz Қазақтың классик жазушысы, мемлекеттік сыйлықтың иегері Баққожа Мұқай 1948 жылы Алматы облысы, Райымбек ауданына қарасты Нарынқол аулында туған. 1971 жылы Қазақ мемлекеттік университетінің журналистика факультетін бітірген. 1965 жылы Кеген аудандық "Комунизм нұры" газетінде еңбек жолын бастаған. 1970-1988 жж. "Білім және еңбек", "Жұлдыз" журналдарында, Қазақстан Жазушылар одағында қызмет істеген. 1990-1995 жж. Мәдениет министрлігінің репертуарлық-редакциялық алқасында бас редактор, бас басқарма бастығы болған. 1990 жылы облыстық "Қазақ тілі" қоғамын ұйымдастырып, басшылық жасады. ҚР-ның ЮНЕСКО істері жөніндегі Ұлттық комиссиясының мүшесі. Бірнеше медальдармен марапатталған. Шығармалары "Жалғыз жаяу", "Өмірзая", "Аққу сазы", "Мазасыз маусым", "Дүние кезек" т.б. Көптеген кітаптардың авторы. Шығармалары тәжік, қырғыз, беларус, якут, татар, орыс, өзбек басқа да көптеген тілдерге аударылған.

Ауылдық кітапханада жазушыға арналған "Қоржыны тоқ, қарымды қаламгер" атты кітап көрмесі ұйымдастырылды. Кітапхана оқырмандары көрмеден жазушының өмір жолымен шығармаларымен танысты.