» » 2,5 проценттік кредит қай кезде беріле бастайды

2,5 проценттік кредит қай кезде беріле бастайды

Kyzylorda-news.kz. Еңбек және халықты әлеуметтік қорғау вице-министрі Ақмади Сарбасов жастарға арналған 2,5 проценттік кредит келесі айда беріле бастайтынын айтты, деп хабарлайды Sputnik Қазақстан.
Бүгінде министрлік кредит беру ережелерін әзірлеген. Әділет министрлігінен тіркеуден өткен.
«Біздің тарапымыздан барлық шешім қабылданды. Қазіргі кезде жергілікті атқарушы органдармен осы механизм бойынша жұмыс істеп жатырмыз. Осы айда жергілікті атқарушы органдар мен қаржы министрлігі кредит келісіміне қол қойса, келесі айда бастаймыз», - деді Сарбасов сенатта өткен брифингте.
Айта кетері, осы бастаманы іске асыруға бюджеттен 28 миллиард теңге бөлінді. Микрокредит кәсіпкерлік қызметті бастағысы келетін немесе кәсіпкерлікпен айналысатын 21 жастан 35 жасқа дейінгі азаматтарға конкурстық негізде беріледі.
Жеңілдетілген кредиттің шарттары:
- номиналды сыйақы мөлшерлемесі – жылдық 2,5%;
- қарыздың ең жоғары сомасы – 5 миллион теңге (ол үшін кепілдік қою керек);
- мерзімі – 5 жыл, ал мал шаруашылығы саласы болса, 7 жыл.
Сондай-ақ негізгі берешек пен сыйақыны өтеу бойынша жеңілдік кезеңі қарастырылған. Ол кредит берілген мерзімнің үштен бірінен аспауы шарт. Ал мүмкіндігі шектеулі азаматтарға кредит өтеусіз беріледі.
05 ақпан 2023 ж. 318 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031