qarmaqshy-tany.kz Т.Көмекбаев атындағы №250 мектеп-лицейінің бастауыш сынып мұғалімі Оңайсынова Әлия апталық аясында 2- сынып ата-аналарымен "Сіз ғажайып жансыз!" тақырыбында ата - аналар тренинігін өткізді. Өткізілген тренинг мақсаты:ата-аналардың көңіл-күйін көтеру, өз-өзіне құрметпен қарауға, бойындағы жақсы қасиеттерін ортада көрсете білуге, бір- бірімен сыйластық қарым-қатынаста болуға шақыру.

Тренинг жоспары:

1. Танысу.

"Менің сіз білмейтін артықшылығым".

2. "Жұмсақ шеңбер".

3. "Мен ғажайып жанмын". 4. Сөздің сиқырлы күші. 5. Мықты суретші.

6. Шынайы тілек.

7. Қорытындылау.

Тренинг барысында ең алдымен танысу кезеңінде әр ата-ана өз есімін айтып және өз бойындағы біз білмейтін ерекше қасиеттерін ортаға сала отырып, "Жұмсақ шеңбер" ойынын ойнау арқылы көңіл -күйлерін бір сергітіп алды. "Ғажайып" сөзінің барлық жақсы қасиеттерді қамтыған ең жоғарғы қасиет екені түсіне отырып ата-аналар "Мен ғажайып жанмын, өйткені...." деген сөйлемді аяқтау арқылы өздерінің бойындағы жақсы қасиеттерін ортада айтты. Бұл өтілген тренинг күнде отбасы мен жұмыс қамын ойлап жүретін ата-аналар үшін көңілді болды.

Тренинг соңында тренингке белсене араласқан әрбір ана "Сіз ғажайыпсыз!" медалімен марапатталды.