«Жоқ!» деп айтуды үйрен»
qarmaqshy-tany.kz Нашақорлық – бүгінгі таңда өте үлкен мәселеге айналып, бұл сөзді жиі еститін болып кеттік. Денсаулық сақтау министрлігінің мәліметіне сүйенсек, елімізде 18,5 мыңнан астам нашақор тіркелген. Соның ішінде 94 жасөспірім бар. Әрине, бұл өте өкінішті жағдай.
Тіпті соңғы кездері есірткіні ашық түрде жарнамалап, сататын да болып кетті. Жасөспірім шақтағы күйзеліс, қиыншылықтан, отбасыдағы мәселелерден құтылу жолын ойлаған бала осындай жарнамаларды көрсе, есірткіге барып ұрынары белгілі. Есірткі сатушылар осы жағдайды пайдаланып, балаларды қызықтырып, алғашында есірткіні тегін ұсынып, бала тағы да есірткі сұрағанда, көп мөлшерде ақша талап ете бастайды. Ол есірткіні қалыпты көріп, мөлшерінен тыс қолданып, бұл әрекет бірнеше жылда өлімге алып келуі әбден мүмкін. Есірткі қолданушының мінезі дөрекіленіп, күнде ақша сұрауға дағдыланады. Сол себепті құрметті ата-аналар, жасөспірім баланыздың не нәрсемен айналысып жүргеніңе, не нәрсеге қызығатынына аса назар аударып, әрқашан жанынан табыла біліңіз!
Дана НҰРЖІГІТҚЫЗЫ,
No26 орта мектептің оқушысы
