qarmaqshy-tany.kz №28 орта мектебінде өтіп жатқан жас мамандар онкүндігі аясында құқық пәнінің мұғалімі Қожабек Сания «Азаматтық құқықтың принциптері мен субьектілері» тақырыбында ашық сабақ өтті.

Мақсаты: Азаматтық құқықтың қағидаттары мен субьектілері туралы түсінік қалыптастыру. Құқық және әрекет қабілеттілік ұғымдарының мазмұнын ашу.

Оқушылардан үй тапсырмасын сұрауда «Пицца» әдісін қолданды. «Flippity.net» платформасы арқылы оқушылар топқа, жұпқа бөлінді. Топтық жұмыста оқушылар «Стоп кадр» әдісі арқылы жұмыстарын қорғады. Одан кейін оқушылар жұптық тапсырма орындады.

Жеке жұмыста «Kahoot. it» сайтына кіру арқылы оқушылар тестке жауап берді. Сонымен қатар, «Wordwall» платформасының сілтемесін ватсапқа жіберу арқылы оқушылар тапсырма орындады. Бұл жұмыс сабақта берілген терминдерді сәйкестендіру болды.

Сабақтың соңында «Айналмалы дөңгелек» арқылы оқушылар кері байланыс жасады. Сабақ "жақсы" деп бағаланды.