qarmaqshy-tany.kz Ағымдағы жылдың қараша айында ІІІ Интернационал ауылдық №108 орта мектебінің математика пәнінің мұғалімі Маханова Жанар 8 «а» сыныбында «Квадрат теңдеуді шешу» тақырыбында ашық сабақ өткізді.  Сабақ барысында мұғалім түрлі әдіс-тәсілдерді қолданды. Оқушыларды «Шеңбер бойымен» әдісі бойынша ішкі және сыртқы шеңбер бойымен (сыртқы шеңберде ұлдар, ішкі шеңберде қыздар) тілек айтып, түстерді таңдау арқылы топтарға бөлінді.

Өткенді еске түсіру мақсатында «Сипатта», «Салыстыр», «Зертте» әдістері арқылы кестелер берілді. Оған оқушылар белсене қатысып, өздерінің белсенділіктерін көрсетті. Оқушылар «Квадрат теңдеулер» және «Дискриминант» болып екі топқа бөлінді. Ашық сабақта оқушылар жұппен, топпен және жеке жұмыс жасады. Әр топқа топбасшы сайланып, бағалау парақтары таратылды. Оқушылар тақырып бойынша берілген топқа тапсырманы қызыға орындады. Мұғалім сабақ барысында жаңа технологияның әдістерін пайдаланды. Сабақты бекіту мақсатында тест тапсырмасын орындады. Сабақ өз мақсатына жетті. Сабақ соңында «Рефлексия пирамидасы» әдісі арқылы кері байланыс жүргізілді. Сабақ жоғары деңгейде өтті.