qarmaqshy-tany.kz №28 орта мектебінің физика пәні мұғалімі, жас маман Әбілтаева Қасиет жас мамандар онкүндігі аясында 7 "б" сыныбына "Қысым. Қатты денелердегі қысым" тақырыбында ашық сабақ өткізді. Мақсаты: Қысымның физикалық мағынасын түсіндіру және өзгерту әдістерін сипаттау.

Мұғалім оқушыларды "Жарық" әдісі арқылы топқа бөлді. Үй тапсырмасын тексеру үшін, " Wordwall" платформасы арқылы, "Айналмалы дөңгелек" әдісін қолданып оқушылардан сұрақ-жауап алды. Мұғалім оқушыларды бағалау үшін "Баскетбол" әдісін қолданды. Жаңа тақырыпты түсіндіру барысында "Пазл" әдісі бойынша таратпа қағаздар арқылы тапсырма берді. "Жақсы сөз - жарым ырыс" тәсілімен, сергіту сәтінде оқушылар өз топтарының атымен байланыстырып, бір-біріне жылы лебіз білдірді. Бекіту кезеңінде деңгейлік есептер шығартты. Сонымен қатар, "Фри" әдісі арқылы сабақты бекіту үшін тақырыпқа байланысты сұрақтар берілді. Сабақ соңында кері байланысқа "Білім почтасы" әдісін қолданды. Әр оқушы сабақтан түсінгендігі туралы өз пікірлері жазылған хаттарды " Білім почтасына" жолдады. Сабақ "жақсы" деп бағаланды.