Қызылордада жаппай төбелесте 18 адам ұсталды
Kyzylorda-news.kz. Қызылордалық полицейлер шұғыл түрде қала орталығындағы төбелесті тоқтатты. Полицияға 18 азамат жеткізілді.
Әлеуметтік желіге қала көшелерінің бірінде болған төбелестің бейнежазбасы жарияланған. Аталған дерек бойынша шұғыл түрде оқиға орнына жеткен полиция нарядтары және жедел-тергеу тобы төбелесті тоқтатты. Жедел ден қою шараларының нәтижесінде зардап шеккендер болмады. Оқиға бойынша полицияға арыз-шағым түскен жоқ.
Аталған дерек бойынша ҚР ҚК-нің 293-бабының 2-бөлігімен (Бұзақылық) қылмыстық іс тіркеліп, тергеу әрекеттері басталды.
