Қуатты мемлекет көш бастайды
qarmaqshy-tany.kz Тәуелсіздік деген сөздің өзі мағынасы қандай терең, ауқымы кең десеңізші. Ол – өлең, ол – ән, ол – сұлулық, ол – асқақ арман, ол –шалқыған дәулет, көркейген сәулет.
Бір ғана сөз бейбітшілік, бақыт, сәттілік, достық, сыйластыққа жетелейді. Жаныңа жылылық пен мейірімділікті ұялатады. Шыңын мәңгі қар басқан биік таулары, сарқырай аққан өзендері, мөлдір сулы көлдері, шет-қиыры көзге көрінбейтін жазық даласы, қойнауында ұлан асыр кен байлықтары тасып жатқан қуатты өлке, құт-мекеннің мәртебесі жоғары, тұғыры биік. Сол-ай дей отырсақ та бүгінгі таңдағы әлем мойындаған Қазақстанмен еркіндікті аңсаумен бодандықта болған Қазақстанды салыстыру қиын. «Өз-өзін тапқан адам өзге адамның пікіріне бағынышты бо лудан арылады» деп Г.Александров айтқандай, еліміздің қашан да тәуелсіздікті аңсап, тәуелсіздік жолында тынбай күресуі нәтижесінде ешкімнің ықпалына көнбейтін қуатты мемлекет болып әлем сахнасынан көріне бастадық.
Дегенмен бізге бұл оңай жолмен келе қойған жоқ. Тамырын тереңге жайған тарихымызға көз жіберсек, еліміздің ел болып қалыптасуына мыңдаған жылдар кеткеніне көз жеткіземіз. Жерімізге көз тіккен жаулармен ғасырлар бойы шайқасып, ата-бабамыз қасықтай қаны қалғанша жерімізді қорғап қалды емес пе? Ендеше осы қазақ жерін сақтауға, қамқор болуға барша достарымды шақырамын!
Алина АМАНГЕЛДІҚЫЗЫ,
No85 мектептің 6 сынып оқушысы
