Заңды білу – заман талабы

Еліміздің болашағы – жастардың қолында. Жастарды білім жолына салып, түзу жолдан тайдырмай, санаға сәуле шашар оқу білімнің тізгінін ұстату мемлекет пен қоғамның міндеті.

Мектеп ұжымы полиция органдарымен бірлесіп, әрдайым орта білім алушылар арасында құқықтық сауаттылықты арттыруға бағытталған түсіндірме жұмыстары үзбей жүргізіліп келеді.

Қармақшы ауданының Полиция бөлімінің Жергілікті полиция қызметі бөлімшесінің кәмелетке толмағандар істері жөніндегі учаскелік инспекторы полиция лейтенанты Еспанов Қайрат Әділбекұлы мектеп директорының тәрбие жөніндегі орынбасары Бертілеуов Серғалимен бірлесіп, №250 мектеп-лицейінің оқушыларына құқық бұзушылықтарға жол бермеуге, зиянды әдеттерден бойларын алшақ ұстауға, әлеуметтік желінің пайдасы мен зияндығын, бөтен мүлік ұрлығы туралы және жол ережелері жайлы түсіндірме жұмыстарын жүргізді.