qarmaqshy-tany.kz «Әділетті Қазақстан» құру бағытын қалыптастырған Қасым-Жомарт Тоқаев екінші рет Президенттікке сайланып, ел тізгінін қолына алды. Сенбіде Ақорданың төрінде инаугу- рация рәсімі өтіп, Мемлекет басшылығына кіріскен Қасым- Жомарт Кемелұлы Қазақстан халқына ант берді.

Салтанатты іс-шараға еліміздің солтүстігі мен оңтүстігі, шығысы мен батысынан делегациялар, депутаттар, зиялы қауым өкілдері қатысты. Сыр өңірінен ел алдында жүрген ардагер ағаларымыз, әпкелеріміз, әр ауданның мәслихат және «AMANAT» партиясының атқарушы хатшылары осы салтанатты жиынның куәсі болып қайттық. Президентіміздің ант қабылдау рәсімін көзбен көру мен үшін ерекше сезім, үлкен қуаныш десем қателеспеймін. Себебі мұндай сәт екінің біріне бұйыра бермесі анық.

Инаугурациядан кейін Президентіміз Қ.Тоқаев арқаны кеңге салмай бірден іске кірісу керек екенін айтып, елде қолға алар мәселелердің біріне тоқталды. Ол – ауылды өркендету, тұрмыс-тіршілігін қаладан кем қылмау. Себебі елдегі халықтың 40 пайызы ауылмен кіндігі байланған. Сол үшін ауылды дамыту мәселесі туралы бірінші Жарлыққа қол қоятынын мәлімдеді. Сондай-ақ Үкіметке нақты жоспарды әзірлеуді тапсырды. Мемлекет басшысының жасап жатқан жаңа бағдарламарын, жаңалықтарын елге алып келіп, әрі қарай соның іске асуына жұмыс жасау міндетіміз болып саналады. Біз мықты болсақ, мемлекетіміз де мықты болады.