«Жолда заң бұзғандар жазадан құтылмайды»

qarmaqshy-tany.kz Мемлекет басшысының ұсынысымен Жол қозғалысы ережесін бұзған жүргізушілерге қолданылар жаза түрлерінің қатаңдатылған белгілі.

Қазақстан Республикасының Ішкі істер министрлігінің нұсқауына сәйкес, ағымдағы жылдың 09-11 қараша күндері аралығында аудан аумағында полиция қызметкерлері көшелерде және басқа да қоғамдық орындарда тиісті қоғамдық тәртіпті сақтау, қылмыстардың алдын алу және жолын кесу мақсатында «Құқықтық тәртіп» жедел-профилактикалық іс-шарасы өткізілуіне орай, құқық бұзушылықтың бірін Қармақшы аудандық Полиция бөлімінің қызметкерлері анықтады.

Атап айтқанда, тәртіп сақшылары Жосалы кенті, Ораз ахун көшесі бойында өз басқаруындағы «ВАЗ-2107» автокөлігін құжаттары жоқ және басқару құқығы жоқ адамның көлік құралын басқарғаны үшін тәртіп бұзушыны анықтады. Жол қағидаларының ережесінің 2-1-1 табалын орындамай ҚР ӘҚБтК-нің 612 бабының 3 бөлігімен әкімшілік шара көріліп, аудандық сотқа құжаттары жолданды.

Өз кезегінде Қармақшы ауданының полицейлері жүргізушілерге жол қозғалысы ережелерін қатаң сақтау қажеттігін ескертеді. Есіңізде болсын, жол қозғалысы ережелерін бұзу, жүргізушілердің де, жаяу жүргіншілердің де, жолаушылардың да өмірі мен денсаулығына қауіпті болуы мүмкін. Сондықтан барынша абай болыңыздар.