Терроризм - адамзаттың қасіреті

Академик С.А.Джиенкулов атындағы Байқоңыр жоғары колледжінде "Қызылорда облысының мемлекеттік архиві" Байқоңыр қалалық филиалының ұйымдастыруымен "Терроризм-адамзаттың қасіреті" атты дөңгелек үстел өтті.

Дөңгелек үстелге Байқоңыр қалалық архивінің архивисі Ф.Сүлеева, Ақай Мешітінің бас имамы М.Дәуіржанұлы, дін мәселелерін зерттеу орталығының Байқоңыр қаласы бойынша бөлімшесінің меңгерушісі Н.Күнмырза және колледж оқытушылары мен білімгерлері қатысты.

Адамзаттың қас жауы-терроризм туралы Н.Күнмырза мен М.Дәуіржанұлы өз тағылымды ой-тұжырымдарын сөз етіп, студенттерді жанымызға жат діни ағымдардан аулақ болуға шақырды.