Оқырман хаты

«Өрт – тілсіз жау», бірнеше күн бойы қостанайлықтарды әбігерге салды. Қазақстанның солтүстігіндегі Қостанай өңірінде орман мен астықты алқапта өрт болды. Алайда оқушы болсақ та, барлығымызды ойландырды.

Теледидардан тілсіз жаудың өрт салдарынан қиын жағдайға қалғанын көрдік. Қостанайлық бауырластарымызға сабыр тілеймін. Қостанай халқының басындағы ауыр жағдайды ешқашан баршаның басына бермесе екен дейміз. Осы жазған хатым арқылы өрттің салдарынан қиналған қостанайлық достарыма, олардың ата-аналары на Алла сабыр берсін. Президентіміз Қасым-Жомарт Кемелұлының көмек беріп қолдайтынын жаңалықтан естіп, көріп, қуанып қалдық. Біздің мектептің мұғалімдері мен техникалық қызметкерлері де өз қолдауларын білдіруде. Қазақта жәрдем немесе қайыр-садақа беруді әуелі өзіңнен баста, артылғаны болса, отбасыңды жарылқа, тағы бірденең артылып қалса, ағайын-туысқаныңа бер, олардан да артылып жатса, басқаларға бер делінген. Барша қазақстандықтардың көмек қолын созып, қиындықтан шығуға үлкен үлес қосатынына сенімім мол. Қиынның артында жақсылық болады делінген. Жақсылық болса екен! «Байлық – байлық емес, бірлік – байлық» деген екен ата-бабаларымыз. Бірлігіміз бекем болсын деп тілегімді білдіремін. Қостанай халқына көмек берген барша Қазақ еліне көп-көп рақмет.