Лагерь жазы көңілді

Жаз жайнатып, күн күлдіріп, біз лагерьге барамыз деп оқу жылы аяқталысымен, мектеп оқушылары лагерьге де жетті. Жаздың қуаныш пен шаттыққа толы ұмытылмас естеліктері болып қалуы үшін лагерьді ерекше өткізу біздің басты мақсатымыз болмақ. Жазғы лагерь – демалыс уақытындағы оқушылардың денесін шынықтыруы, күш жинауы, оқушыларды рухани баю, қоршаған ортамен танысу, балалардың өзіне деген сенімділігін арттыру үшін беріледі. Мектепішілік лагерьде балалар бір-бірімен қарым-қатынасқа түсіп, ойын арқылы достасады.

А.Жанпейісов атындағы №105 мектеп-лицейінде  ауысым ұзақтығы 10 күнге созылған, 1-10 маусым аралығында, көпбалалы отбасылы және үздік, белсенді оқушыларға арнап «Балдырған» жазғы лагері өткізілді. Біздер әр күнге белгіленген түрлі мерекелік іс-шараларды ұйымдастырып, балғындардың демалысын қуанышқа толы болуына барлық күш-жігерімізді жұмсадық. Лагерьде оқушылардың қызушылықтары өте жоғары болды. Оның ашылуында  мектеп директоры  Г.Еркебаева және тәрбие ісі жөніндегі орынбасары А.Қозыбақовтың қатысуымен 1 маусым – «Халықаралық  балаларды қорғау күнімен» тұспа-тұс келіп, балаларға демалыстарының көңілді өткізулеріне сәттілік тіледі.  І ауысымның ұстаздары Шынар Нақыпова  және Қарлығаш Әбішева  бағдарламаны толық орындап, нәтижелі жүзеге асырдық. Атап айтсақ, аудандық өлкетану мұражайына барып, балалардың бойын сергітіп, бүлдіршінімізді ауданымыздың тарихымен  таныстырдық. Сондай-ақ аудандық кітапханаға барып, ертегілер әлеміне саяхат жасап, оқушыларға мәлімет беріп өттік. Лагерь кезінде «Жол тәртібін білейік, аман-есен жүрейік», «Білімділер күні», «Көңілді старт» атты іс-шаралары  өткізілді. Ер балаларымыз бен қыздарымыз ерекше белсенділік танытып, өз өнерлерін ортаға салды.

Лагерьдің жабылу салтанатында «Мәлике ана» балалар  ойын-сауық орталығына  барып, тәттілер таратылып, көңілді күн  ұйымдастырылды.

Жаздағы жақсы демалыс – жыл бойына қажетті күш-қуат береді деп ойлаймын. Ал «Балдырған» жазғы лагері – оқушылардың көңілінен шыққанына кәміл сенімдімін.

     Қарлығаш Әбішева,