Жол ережесін білейік, аман-есен жүрейік

Жол-көлік оқиғаларына талдау жұмыстарын жүргізу барысында Қармақшы ауданы көлемінде жол-көлік оқиғалары ағымдағы жылы 20% өсім алып отыр. Орын алған жол-көлік оқиғаларының салдарынан дене жарақатын алғандары 12,5% артқаны анықталды.

Яғни есепті мерзімде жол-көлік оқиғасының - 6 дерегі орын алып, қайтыс болғаны - 2, дене жарақатын алғаны - 9 дерегі тіркелген.

Осы жол-көлік оқиғасының орын алған жерлерін талдау барысында жол-көлік оқиғасының 5 дерегі М-32 «Шымкент-Самара» тас жолының бойында орын алса, 1 дерегі Жосалы кенті орталығында орын алған.

Осыған орай, жол-көлік оқиғасының, жол апаттылығының алдын алу мен жол қауіпсіздігін қамтамасыз ету бағытында Қармақшы ауданының Полиция бөлімінің Жергілікті полиция қызметінің патрульдік полиция тобының қызметкерлері аудан көлемінде көлік жүргізушілерге жадынамалар таратылып, профилактикалық алдын-алу мақсатында түсіндірме жұмыстары жүргізілуде.