Аудандық прокуратураның бастамасымен жергілікті атқарушы органдары өкілдерінің, қорғаныс істері бөлімі және полиция қызметкерлерінің қатысуымен тұрғындар арасында әскери қызметке шақыру және оны ұйымдастыру тәртібін түсіндіру жұмыстары жүргізілуде.

Бүгін осы шара аясында ІІІ-Интернационал және Дүр Оңғар ауылдарында халықпен кездесу өткізіліп, аталған мәселе жан-жақты талқыланып, түсіндірулер жасалды.

Қазақстан Республикасы Конституцияның 36-бабының 1-тармағына сəйкес Қазақстан Республикасын қорғау оның əрбір азаматының қасиетті парызы жəне міндеті болып табылады.

Аталған міндетті орындаудан жалтарғаны үшін (әскерге шақыру кейінге қалдырылған немесе әскерге шақырылудан босатылғандарды қоспағанда) Қылмыстық Кодексте тиісті жауаптылық көзделген.

Кездесуде тұрғындар сауалдарын қойып, жауаптар берілді.