«Темекі туралы барлық шындық» атты жылжымалы көрме жұмысы орталық алаңда жалғасты.

ҚР ДСМ Қоғамдық денсаулық сақтау ұлттық орталығы, «Темекі түтінінен азат Қазақстан үшін» ұлттық коалициясы, Қызылорда облыстық денсаулық сақтау басқармасының «Облыстық жастар денсаулығы орталығы» мамандарының ұйымдастыруымен өткен шараға қаладағы бірқатар жоғарғы оқу орындары мен колледж студенттері сондай-ақ тұрғындар және БАҚ өкілдері қатысты.

Темекі індеті халықтың денсаулығына қауіп төндеретін ең ауыр кеселдердің бірі. Жыл сайын темекі зиянынан 8 миллионнан астам адамның өмірі қиылады. Олардың 7 миллионнан астамы темекі шегушілер мен бұрын темекі тұтынғандар, 1,2 миллионға жуығы темекі шекпейтін, бірақ, темекі түтіні әсерінен зардап шеккендер құрайды.

Темекі, вейп, IQOS, Glo тұтынудың зияны мен салдары туралы кеңесшілер мен интерактивті көрменің жарқын экспонаттарын көрсету арқылы ақпарат берілді.