Саяси науқанға санаулы күндер қалды

Парламенті Мәжілісінің депутаты, «AMANAT» партиясы республикалық штабының мүшесі Ғалым Әміреев конституциялық реформалардың маңыздылығы және оны қолдау бойынша Жосалы кентіне қарасты ауыл тұрғындарымен кездесу жұмыстары жүргізілді. Сонымен қатар аталған басқосуға «AMANAT» партиясы Қармақшы аудандық филиалы жанындағы қоғамдық штаб төрағасы Буханов Дастан, қоғамдық штаб мүшесі, облыстық мәслихат депутаты Төлепов Орынбасар қатысты.

«Бұл референдумның маңызы өте зор. Себебі ондағы өзгерістердің ауқымы өте үлкен. Осыған орай азаматтар бұл референдум біздің өмірімізге қандай өзгерістер алып келеді деп жиі сұрайды. Халықты ең көп алаңдататыны әлеуметтік мәселелер. Әлеуметтік мәселелерді шешуді саяси реформалар енгізуден бастау керек деп есептеймін. Қазақстандықтарға референум арқылы саяси өзгерістердің орын алуына ықпал етуге мүмкіндік беріліп отыр. Сондықтан әрбір азамат осы мүмкіндікті тиімді пайдалануы тиіс»- деді Ғалым Әміреев.

Аталған кездесуде партияның аудандық филиалы жанындағы қоғамдық штаб мүшелері жалпыхалықтық референдум өткізудің алғышарттарын, ұсынылған реформалардың ерекшеліктерін және маңыздылығы жөнінде айтып берді.