Екі азаматтық іс бойынша судья медиациялық келісімді бекітті

Қармақшы аудандық сотына талап қоюшы "Эксперт Плюс" Коллектірлік агенттігі ЖШС жауапкер Қ-дан келісім шарт бойынша қарыз ақша өндіру жайлы екі талап арызбен жүгінген.

Татуластырушы-судья тараптарға татуластыру рәсімдерінің барлық артықшылықтары мен мүмкіндіктерін, жан-жақты татуластыру рәсімдерінің артықшылығы дауды шешудің қысқа мерзімділігін, өзара бір мәмлеге келуді ұсынып, даудың жойылуы нәтижесінде тараптар арасындағы тұрақты қарым-қатынасты сақтау болып табылатыны жайында түсіндіріп, нәтижесінде тараптар татуласу туралы медиациялық келісім жасап, оны бекіту үшін сотқа ұсынған.

Сот тараптар арасындағы жасалынған татуласу келісім шартты бекітіп, ұйғарым қабылдады.

Сондай-ақ, медиативтік келісімді өз еріктерімен орындамаған жағдайда, тараптар сотқа мәжбүрлі түрде орындату үшін атқару парағын алуға арыздана алатынын атап өтті.

Сот ұйғарымы заңды күшіне енбеген.