Мәдениетім – мәртебем

К.Рүстембеков атындағы жыраулар үйінде «Мәдениетім - мәртебем» атты мәдениет және өнер саласы қызметкерлерінің кәсіби мерекесіне арналған салтанатты шара өтті.

Шарада сөз алған аудан әкімі

Ерсұлтанов Әділбек Бөрібайұлы: - Өркениетті ұлт, ең алдымен, тарихымен, өнерімен, әлемдік мәдениеттің алтын қорына қосқан үлесімен танылып, бағаланады, – деп ауданымызда атқарылған жұмыстар мен жетістіктердің көрсеткішін саралап шықты.

– Қармақшы өлкесі – қасиетті өнердің киелі бесігі, жыраулық дәстүр тараған дарынды тұлғалардың мекені. Саңлақтар көтерген өнердің тұғыры әрқашан биікте. Ауданымыздың мәдениет саласының қызметкерлері ғасырлар бойы мұра болған асыл қазынаны – ұрпаққа жеткізу жолында ауқымды жұмыстар атқаруда. Өнерді құрметтеп, мәдениетті өркендету – баршамыздың ортақ мақсатымыз. Бүгінгі ерекше мереке күні мәдениет пен өнер саласына еңбегі сіңген аға буын өкілдеріне айтар алғысымыз шексіз. Еліміздің биік рухы мен өркендеп-өсуіне қызмет етіп, халықты тамаша өнермен қуанта беріңіздер!» – деп атап өтті.

Сонымен бірге өңірдің өркендеуі жолында еңбектенген мәдениет пен өнер қызметкерлеріне облыс әкімі мен аудан басшысының алғыс хаттарын сала үздіктеріне табыс етті. Салтанатты шара мерекелік концертке жалғасты.