Бала қауіпсіздігі – басты назарда

2022 жыл "Балалар жылы" аясында 18 мамыр күні №107 орта мектебінің оқушыларымен Қармакшы аудандық полиция бөлімінің жергілікті полиция қызметінің учаскелік полиция инспекторы, полиция капитаны, Дүр Оңғар ауылының полиция инспекторы Байшимиров Нұрлыжан Үсенұлының қатысуымен кәмелетке толмағандардың құқықтық сауаттылығын қалыптастыру, кәмелетке толмағандарға жаз мезгіліндегі қауіпсіздік шараларын түсіндіріп, жасөспірімдердің өмірі мен денсаулығының қауіпсіздігін сақтау мақсатында кездесу өткізіліп, құқықтық кеңес берілді. Шара барысында оқушыларға қоғамдық орындардағы, жолдардағы жүріс-тұрыстың, таныс емес адамдармен қарым-қатынас жасау кезінде мінез-құлықтың негізгі ережелері түсіндіріліп, әңгімелесу жүргізілді. Құқық бұзушылықтың алдын алу, түнгі беймезгіл уақытта 23.00-ден кейін заңды өкілсіз көшеде жүрмеу, түрлі ойын - сауық орындарына бармау, табиғат аясына қыдырып шықпау жайлы ескертілді.