Батаменен ел көгерер
Бата – халық қазынасы. «Жаңбырменен жер көгерер, батаменен ел көгерер» деп қазақ халқы бекер айтпаса керек. Бүгін ауыл әкімі Э.Қазиева, «Ақсақалдар алқасы» қоғамдық бірлестігінің төрағасы Ж.Қыпшақбайұлы және «Мүсірәлі Сопы Әзіз» мешітінің имамы М.Дәуіржанұлымен бірлесіп №99 орта мектеп және №279 Е.Көшербаев атындағы мектеп-лицейіне барып, мектеп бітіруші түлектермен кездесіп, алдағы үлкен сын Ұлттық Бірыңғай тестілеуден абыроймен өтулеріне, Қазақстанымыздың білікті маманы атануларына сәттілік, ақ жол тілеп, жылы лебіздерін білдіріп, Жақсылық атамыз ақ батасын берді.
