Аймақ басшысы Қуаңдариядағы клуб үйі құрылысымен танысты
Аймақ басшысы Гүлшара Әбдіқалықова Қармақшы ауданына іссапары аясында Қуаңдария ауылдық округіндегі 100 орындық клубтың құрылысы барысымен танысты. Мердігер мекеме – «Ахат+ГС» ЖШС құрылыс жұмыстарын өткен жылы бастап, биыл қыркүйек айында аяқтайды деп жоспарлауда. Ғимарат ішінде акт залы, оқырмандар бөлмесі мен әкімшілік бөлмелері қарастырылған. Облыс әкімі мердігерге сапалы құрылыс материалдарына жете мән беріп, нысанды уақытылы аяқтауға күш салу қажет екенін баса айтты.
Клуб үйі алдағы уақытта қасиетті Қармақшы өңіріндегі жыраулық өнерді одан әрі дамытуға және сыр сүлейлерінің сабақтастығын сақтауға қызмет ететін болады.
