Аудан әкімі Қуаңдариядағы клуб үйінің жұмысымен танысты
Аудан басшысы Қайрат Ырзақұлұлы Қуаңдария ауылындағы клуб үйі нысанының салыну барысын тексерді.
Аудан әкімі жауапты мердігерлер мен тиісті сала басшыларына жүз шайыр еліндегі жыраулық өнердің дамуына маңызы зор нысан құрылысының сапасына назар аударып, белгіленген мезгілде аяқтауды тапсырды.
Клуб үйі алдағы уақытта қазақ халқының төл өнері мен сыр сүлейлерінің сабақтастығын сақтауға қызмет ететін болады.
Қазан айында басталған құрылыс жұмыстары қарқынды жүргізілуде. Жергілікті жерден қамтылған жұмысшылар нәтижелі жұмыс жасап, бүгінде нысан құрылысының басым бөлігі аяқталып отыр.
