Мерекеде марапатқа бөленді
Нәзік жандылар мерекесінде аудандық Аналар кеңесі Жыраулар үйінде жас, көпбалалы аналар мен ауданның қоғамдық саяси өміріне белсенді араласып жүрген қызметтегі қыз-келіншектермен кездесу өткізіп, оларға марапат ұсынды.
Кешке арнайы шақырылған аудандық қоғамдық келісім кеңесінің төрағасы Әбдірахман Құлдүйсенов аналар мен қыз-келіншектерге ақ тілегін арнаса, аудандық әйелдер кеңесінің төрайымы Гүлжауһар Раева мен «Аңсаған» мүмкіндігі шектеулі балалар қоғамдық бірлестігінің төрайымы Бақыткүл Райымбаева жүрекжарды лебіздерін білдірді.
Аудандық полиция бөлімі бастығының орынбасары, подполковник Қанат Ерманов, көпбалалы ана, зейнеткер Хауа Амаева, аудандық аналар кеңесінің төрайымы Тәжігүл Әбенова, жас келін Татьяна Абжалиева, 9 баланың анасы Жүрсінай Қайдаровалар сөз сөйлеп, өздеріне жасалған құрметке ризашылықтарын білдірді.
Гүлжанат ДҮЗЕНОВА
