Көктемнің алғашқы күнінде Лондондағы Сток-Мандевиль стадионында 2022 жылғы ойындардың алауы жағылды. Эстафетаның алғашқы алау ұстаушысы мүгедектер арбасындағы керлингтен екі британдық паралимпиада жүлдегері болды.

Алау виртуалды түрде Лондоннан Бейжіңге жіберіледі. 2 наурызда жарыстың үш кластерінде (Бейжің, Яньцин және Чжанцзякоу) алау жағылады және үш алау ҚХР астанасындағы Аспан ғибадатханасында (Тяньтань) бір отқа біріктіріледі. Паралимпиадалық алау эстафетасы 2-4 наурыз аралығында өтеді. Оған 600-ге жуық алаугер қатысады.

Жұма күні «Құс ұясы» ұлттық стадионында паралимпиадалық алау жағылып, 2022 жылғы Бейжіңдегі қысқы Паралимпиада ойындарының ресми басталғанын білдіреді. Қазақстанның паралимпиада құрамасына бес спортшы кірді, олар шаңғы жарысында және биатлонда өнер көрсетеді.

XIII қысқы Паралимпиада ойындары Бейжіңде 4-13 наурыз аралығында өтеді. Оған 50 елден 700-ден астам спортшы қатысады. Спортшылар спорттың алты түрінен 78 түрлі жарыста бақ сынайды.