Ауданда азаматтық қоғамды дамыту жолдары талқыланды

Ауданда азаматтық қоғам институттарын дамыту бойынша Қоғамдық кеңес мүшелері мен үкіметтік емес ұйымдар өкілдерінің және аудандық ішкі саясат бөлімі қызметкерлерінің қатысуымен кездесу өтті.

Кездесуге арнайы іссапармен келген облыстық ішкі саясат басқармасының азаматтық қоғам институттарымен жұмыс бөлімінің басшысы Мукеев Азамат Рысдәулетұлы мен облыстық «Рухани жаңғыру орталығы» директорының орынбасары Сахиев Сәулет Ерназарұлы түсіндірме жұмыстарын жүргізді.

Жиында «Қоғамдық кеңестер туралы» ҚР Заңына енгізілген өзгерістер мен толықтырулар, Үкіметтік емес ұйымдар мен мемлекеттік органдардың өзара іс-қимылын дамыту жоспары, «Рухани жаңғыру» бағдарламасын ұлттық рухани жаңғыру кезеңіне көшіруге байланысты атқарылатын жұмыстар туралы мәселелер қаралды.

Жиын соңында аудандық ардагерлер кеңесінің төрағасы Қаршыға Есдәулетов Қоғамдық кеңес және үкіметтік емес ұйымдар атынан келген қонақтарға алғысын жеткізді.