Ағымдағы жылдың ақпан айында Жосалы кенті әкімшілігінің ғимаратында Қармақшы аудандық мәслихат депатуты Ә.Қошалақовтын төрағалығымен Қармақшы аудандық полиция бөлімінің қызметкерлері және ауданымыздың көше комитетімен ақсақалдар кеңесі мүшелерінің қатысуымен кездесу өткізілді. Онда күн тәртібіне аймақтағы алаяқтық қылмыстарының алдын алу мақсатында түсіндірме жұмыстары жүргізіліп, жан-жақты талқыланды. Атап айтқанда БАҚ арқылы аудан тұрғындарына насихат жұмыстары үздіксіз жүргізілуді және де осы мақсатта халыққа қызмет көрсету орындары мен базарларда, сауда орталықтарында плакаттар жапсырылып, жадынамалар таратылуға ұсынылды.

Сонымен қатар, алаяқтық фактілері орын алған жағдайда тез арада полицияға хабарлауды естен шығармауға ескерткен. Өңірімізде алаяқтық қылмыстардың орын алуы толастар емес.

Алаяқтықпен күресті бүкіл ел болып жүзеге асыруымыз керек. Бұл – баршаға ортақ іс.