"7-20-25" пен "Баспана хит" борышкерлеріне төлем уақыты үш айға шегеріледі

Төтенше жағдай режимі кезінде зардап шеккен азаматтарға "7-20-25" және "Баспана хит" бағдарламалары бойынша төлем уақыты үш айға кейінге шегеріледі. Бұл туралы Stan.kz ақпарат агенттігі Қазақстанның тұрақтылық қорының баспасөз қызметіне сілтеме жасап хабарлайды. 



2022 жылдың 5 қаңтарынан бастап есептегенде, төлем уақытын 90 күнге кейінге шегеру туралы шешім қабылданды. 5 сәуірге дейін өсімақы мен айыппұл есептелмейді. 
Төлем уақытын кейінге шегеру үшін банкке тиісті құжаттармен бару қажет. Борышкер қаржылық жағдайының нашарлап кеткенін растауға міндетті. 
Өтінім 10 күн қаралады. Өтінімді 4 сәуірге дейін беруге болады.