Тоқаев: Мемлекет үшін ауыр шешімдер қабылдадым, болашақта да қабылдаймын

Мемлекет басшысы үкіметке күрделі шешімдер шығару керектігін айтты. 

"Ол шешімдерді міндетті түрде кәсіпкерлер қауымдастығымен ақылдасу керек. Салықты адал төлеу тиімді әрі қарапайым болатындай ету керек. Бизнес, әсіресе ірі бизнес өкілдері тұманды серіктестеріне шыдамсыздық таныту керек. Ал көлеңкелі экономика үлесін қысқартқаны үшін мемлекеттен жауапкершілікті ешкім алып тастамайды. Бұл бюджетке кіретін қомақты қор. Сондай-ақ, адал салық төлеушілерді қолдап, оларды арам бәсекелестіктен қорғау керек. Жұмысты таза кедендік шекарадан бастаған дұрыс. Тапсырма бердім, нақты және жедел нәтиже күтемін", - деп мәлімдеді Тоқаев. 

Сондай-ақ, президент мемлекеттік сатып алуларды реттеуді тапсырды. 

"Мемлекеттік сатып алулар - үлкен экономикалық қор, оны дұрыс қолдану керек. Мұнымен бізде проблема көп. Ол баршаларыңызға мәлім. Әлі де бейбәсекелік жолмен жасалатын сатып алулардың үлесі жоғары. Тек баға параметріне сүйену тауарлар мен қызметтердің сапасын екінші орынға ысырады. Көбінесе қазақстандық жеткізушілерді өндірісті бастау мүмкіндігінен айырады. Импорттық өнімдерді қазақстандық өнім ретінде өткізіп жүрген бір күндік компанияларға қатаң іріктеу жоқ. Бұл мәселені шұғыл шешу қажет", - деді мемлекет басшысы.

Бұл орайда мемлекет басшысы "Самұрық Қазына" қорының сатып алу жүйесіне баса мән беру керектігін айтты. "Көтермеленген баға, күңгірттік, - бұл фактілерді шұғыл реттеу керек. Бұлай жалғаса беруіне болмайды. Бір ай уақыт беремін және соңғы рет. Шешім болмаса - қатаң шешім шығады.  "Платон – менің досым, бірақ ақиқат қымбатырақ" формуласы мен үшін түйінді әрі мақсатты маңызға ие екенін барлығы түсінді деп үміттенемін. Бұл барлық мәселелерге қатысты. Мен үшін біреумен жылы қарым-қатынас орнатқаннан гөрі, мемлекеттің мүддесі жоғары. Мемлекет үшін ауыр шешімдер қабылдадым, болашақта да солай жасаймын", – деді Тоқаев кәсіпкерлермен кездесу кезінде. 

Президент байлар мен кедейлер арасындағы алшақтық жол беруге болмайтын деңгейге жеткенін айтқан еді.