Кеше аудан әкімі Қайрат Ырзақұлұлы Ақтөбе ауылдық округ әкімі аппаратының бас маманы Берденова Кенжекүл Бердібекқызына құрмет көрсетіп, зейнет жасына шығарып салды.
Аудан басшысы мерейтой иесіне ауылдың әлеуметтік-экономикалық дамуы жолында жемісті еңбек еткені үшін алғысын білдіріп, сый-сыяпат жасады.
Кенжекүл Бердібекқызы - 1961 жылы 27 қарашада Қармақшы ауданда дүниеге келген. Жоғары білімді. 1983 жылы Қызылорда совхоз техникумын «Ауылшаруашылығы өндірісінің бухгалтерлік есебі» мамандығы бойынша аяқтаған.
Тәуелсіздік алған жылдардан бастап бүгінгі күнге дейін Ақтөбе ауылдық округі әкімшілігінде есепші, іс басқарушысы, маман, бас маман қызметтерін атқарып келді.