Елімізде 62 мыңнан астам бала вакцина алды

Елімізде 62 мыңнан астам бала вакцина алды. Бұл туралы Үкімет отырысында ҚР Денсаулық сақтау бірінші вице-министрі Марат Шоранов айтты, деп хабарлайды Egemen.kz.



«Қазақстанға Comirnaty (Pfizer) вакцинасының 645 мың дозасы келіп түсті. Бүгінгі күні 62 мың 707 бала және 17 мың 015 жүкті және бала емізетін әйел егілді. Вакцинаны жеткізу апта сайын жалғасуда», деді бірінші вице-министр.
Оның дерегінше, вакцинацияның 1-ші компонентімен 8,7 млн-нан астам адам егілді, егілуге тиісті халықтың 76,6 пайызы немесе жалпы халықтың 46,2 пайызы қамтылды. Екінші компонентпен тиісті халықтың 70,8 пайызын немесе жалпы халық санының 42,7 пайызын қамти отырып, 8 млн-нан астам адамға екпе салынды.