Алты ай мерзімге көлік құралын басқару құқығынан айырылды

Қармақшы аудандық сотында Қазақстан Республикасы әкімшілік құқық бұзушылық туралы кодексінің 596-бабының 3-бөлігі бойынша азамат Ғ.-ға қатысты әкімшілік құқық бұзушылық туралы іс қаралды.

Сотта анықталғандай, азамат Ғ. өзінің басқаруындағы автокөлігімен үздіксіз қос жалпақ сызықты басып, бұрылыс жасап, жолдың жүру бөлігінің қарама-қарсы бағытына шығып басқарған.

Сот отырысында азамат Ғ.-ның әрекеті, сотта зерттелген әкімшілік құқық бұзушылық туралы хаттамасымен, жол жүрісін бақылау жүйесі бейнежазбасымен дәлелденді.

Қармақшы аудандық сотының қаулысымен Қазақстан Республикасының әкімшілік құқық бұзушылық туралы кодексінің 596-бабының 3-бөлігімен азамат Ғ. кінәлі деп танылып, ол 6 /алты/ ай мерзімге көлік құралын басқару құқығынан айырылды.

Қаулы заңды күшіне енбеген.