Сексен сағатқа қоғамдық жұмыстарға тарту жазасы тағайындалды

Қармақшы аудандық сотында Қазақстан Республикасының Қылмыстық кодексінің 296-бабының 2-бөлігінде көзделген қылмыстық құқық бұзушылықты жасаған азамат Ф.-ға қатысты қылмыстық іс қаралды.

Іс құжаттарына сәйкес, сотталушы Ф. жолаушылар поездының вагонында полиция қызметкерінің жанындағы қызметтік иттің белгі беруімен, өзінің үстіне киген көк түсті курткасының алдынғы оң жақ қалтасынан төрт дана газет қйындысына оралған жасыл түсті ерекше хош иісі бар есірткі затын  заңсыз сақтап, қылмыстық құқық бұзушылық жасаған. Сотта сотталушы Ф. өзіне тағылған айыпты толықтай мойындап, жасаған қылмысына өкінетінін, алдағы уақытта мұндай әрекеттер жасамауға уәде беретінін көрсетіп, соттан жеңіл жаза қолдануды сұрады.

Сот үкімімен сотталушы Ф. Қазақстан Республикасының ҚК-нің 296-бабының 2-бөлігімен кінәлі деп танылып, оған 80 (сексен) сағатқа қоғамдық жұмыстарға тарту жазасы тағайындалды.  

Үкім заңды күшіне енген.