Сыбайлас жемқорлыққа қарсы іс-қимыл жөніндегі қоғамдық кеңес отырысы өтті
«Nur Otan» партиясы Қармақшы аудандық филиалының жанындағы Сыбайлас жемқорлыққа қарсы іс-қимыл жөніндегі қоғамдық Кеңесінің отырысы өтті. Отырысты Сыбайлас жемқорлыққа қарсы іс-қимыл жөніндегі қоғамдық кеңесінің төрағасы, «Қармақшы таңы» газетінің бас редакторы Райымбаева Сәрсенкүл Жаудатбекқызы ашып, жүргізіп отырды. Кеңес отырысына бастауыш партия ұйымдары ZOOM платформасы арқылы онлайн форматында қатысты.
Сыбайлас жемқорлыққа қарсы іс-қимыл жөніндегі қоғамдық кеңестің отырысында үш мәселе қаралды, «Көмекбаев», «Алдашбай Ахун» және «Ақжар» бастауыш партия ұйымдарының сыбайлас жемқорлыққа қарсы іс-қимыл жұмыстарының жағдайы туралы.
Күн тәртібіндегі мәселелерге байланысты Көмекбаев ауылдық округі әкімінің уақытша міндетін атқарушы Бектібаев Әбдіқадыр Қонысбайұлы, «Алдашбай Ахун» бастауыш партия ұйымының төрағасы, ауыл әкімі Тоғызбаев Нұрбол Аманқосұлы және «Ақжар» бастауыш партия ұйымының төрағасы, ауыл әкімі Тұрсынбаева Нұржамал Бектайқызы хабарлама жасады.
Жиын барысында кеңес мүшелерінің тарапынан қойылған сұрақтарға жауап беріліп, күн тәртібіндегі мәселелерге байланысты қаулы қабылданды.
