«Абайлаңыз, балалар!»
Қыркүйектің алғашқы күнінен басталған акция жуырда Т.Көмекбаев атындағы №250 мектеп-лицейде ұйымдастырылды. Жаз бойғы демалыстан мектепке енді бейімделген балалар тарапынан алғашқы уақытта жол қауіпсіздігіне деген немқұрайлық, салғырттық болуы ықтимал. Осы уақытта жол жүру қауіпсіздігі ережелерін балалардың есіне тағы бір салып, мектеп оқушыларының амандығын сақтауға сынып жетекшілерімен қатар инспекторлар, полиция қызметкерлері жаппай жұмылдырылады. №250 мектеп-лицейде директордың тәрбие ісі жөніндегі орынбасары С.Бертілеуов пен Қармақшы АПб-нің ЖПҚб-нің ЮПТ УПР-ы полиция лейненанты М.Сұлтановтың қатысуымен барлық сыныпта «Абайлаңыз, балалар!» атты арнайы тәрбие сағаты өтті. Онда оқушыларға түсіндірме жұмыстарын жүргізді. Акцияның мақсатымен таныстырып, жол ережелерін әрдайым сақтап жүруге шақырды. Мектеп табалдырығын жаңа аттаған бүлдіршіндерге қарапайым жолда жүру ережелерін, оларға көше бойында қалай жүріп, тұру қажеттігін, бағдаршамдар мен арнайы жолақтардан өту тәртібін де егжей-тегжейлі түсіндірді.
С.ӘЛІБЕКҰЛЫ,
№250 мектеп-лицей директорының тәрбие ісі жөніндегі орынбасары
№250 мектеп-лицей директорының тәрбие ісі жөніндегі орынбасары
