Қармақшы ауданының ІІІ Интернационал ауылдық округінде көп ұлтты тұрғындарының ынтымағы арқасында ауылда берекелі жұмыстар атқарылып келеді.

«Ауыл -ел бесігі» бағдарламасы аясында ауылдық округтегі жалпы көлемі 23700 шаршы метр болатын 3 көшенің («Қашқансу», «Амангелді», «Бәйтерек») орташа жөндеу жұмыстары жүргізілуде.

Аудан әкімі Қайрат Ырзақұлұлы жұмыс сапарында ІІІ Интернационал ауылдық округінде атқарылып жатырған жол құрылысының орындалуын бақылап, жауапты сала мамандарына уақытылы және сапалы аяқтауды жүктеді.

ІІІ Интернационал ауылында кәсіпкерліктің дамуы бағытында тігін цехының жұмысы мен жылыжайда көкөніс өсіру сынды жаңа жобалары бүгінгі күні жүзеге асырылуда. Тігін цехы қазіргі қоғамға қажетті бетперде т.б. күнделікті тауарларды шығарып, тұрғындардың сұранысын қанағаттандыруда.

Терең тарихы бар береке бірлігімен танылған елді мекен алдағы уақытта да еңбек пен ауызбіршіліктің арқасында жоғары жетістіктерге жететініне сенімдеміз.