ІІІ Интернационал ауылында көшелерге жөндеу жұмыстары басталды
Жол – экономиканың күретамыры. Содан болса керек, жол жағдайы қашанда маңыздылығын жоғалтпай келе жатқан мәселенің бірі. Бүгінгі күннің талабына сәйкес мұндай олқылықты болдырмау мақсатында ауылдық округтің ішкі жолдарын жөндеу жұмыстары жүйелі қолға алынып келеді.
Биыл "Ауыл- ел бесігі" бағдарламасы аясында ауылдық окруктегі жалпы көлемі 23700 шаршы метр болатын 3 көшенің ("Қашқансу", "Амангелді"," Бәйтерек") орташа жөндеу жұмыстарына Республикалық бюджеттен қаржы қаралып, Мемлекеттік сатып алу заңы бойынша жеңімпаз болған мердігер мекемелер жұмыстарын бастады. Аталған жұмыстар қыркүйек айында толық аяқталу жоспарланған.
