Балаларға сақ болыңыз

Қармақшы ауданы Төтенше жағдайлар бөлімінің қызметкерлері балалар мен жасөспірімдерге шомылу науқанына байланысты барлық мектептерде түсіндірме жұмыстарын жүргізді. Келеңсіз жағдайлардың алдын алу мақсатында, аудан тұрғындары мен қонақтары және ата-аналардың назарына ескертеріміз кәмелет жасқа толмаған балаларыңызды қараусыз қалдырмауды, оларды суға шомылуға жалғыз жібермеуді өз бақылауларыңызда ұстаңыздар. Қазіргі таңда Қармақшы ауданының Төтенше жағдайлар бөлімі, Қармақшы ауданы №10 ӨСБ, Байқоңыр қаласы №8 ӨСБ және аудандық Полиция бөлімінің қызметкерлерімен бірлесіп аудан аумағындағы су айдындарында шомылуға тыйым салынған орындарға күнделікті рейдтік іс-шаралар жүргізілуде.